 |
ไค่อยากหื้อมันเป๋นแต้ |
วันที่ |
24 เมษายน 2009 |
เวลา |
02:36:58 |
|
|
IP |
78.23.210.115 |
| |
|
|
|
ปี่น้องมีไอเดียดีๆบอกจิม
|
ใด้อ่านบางกระทู้ยะหื้อกึดว่า คนบ้านเฮาบ่าฮู้ประวัติของเฮาเลย
บ่าโต๊ดไผ มันเป๋นเพราะเฮาเฮียนประวัติของคนอื่นเปิ้น เพราะระบบตี่เฮาเฮียนใด้ถูกตั้งใว้หื้อ ปัญหานี้คนภาคอื่นก่อเป๋นเนาะ อันนี้ขออู้มอกอี้ละกั๋น
ไค่ฮู้ไอเดียปี่น้องเน้อ จะยะใด้บ่าใด้บ่าว่า อยากฮู้ว่าคนบ้านเฮามีไอเดียส่งเสริมก๋านอนุรักษ์ความเป๋นล้านนาแบบได
ตี่อยากจะถามคือ ปี่น้องมีไอเดียดีๆอย่างได ในก๋านฮักษาประวัติบ้านเฮา?
ส่วนตั๋วเฮาอยากหื้อมี คนตี่เก่งๆด้านประวัติเมืองเจียงฮาย (ต้องเสาะข้อมูลถี่ๆโตยเน้อ)
เขียนลงเป๋นหนังสือ
1 หนังสือหื้อคนใหญ่ พยายามสื่อหื้อคนใหญ่เข้าจั๋ยถึงประวัติบ้านเฮา
2 หนังสือหื้อละอ่อน มีเนื้อหาน่าอ่านบ่าออกน่าเบื่อ บ่าเชิงหนังสือเฮียน (  ) แต่ก่อเชิงสนุกหนานอย่างหนังสือละอ่อน (มีภาพมีการ์ตูน) แทรกภาษาตี่เข้าจั๋ยง่าย สอนกําเมืองบ่าเก่าไปในตั๋ว เสนอก๋านละเล่นบ่าเก่าของละอ่อนบ้านเฮา ของเล่น เพลงกล่อมลูก ราวๆเอี้ย
อยากหื้อมีชมรมฮักเจียงฮายฮักล้านนา (จื่ออื่นก่อใด้) หุๆ แบบต่างเจียงใหม่เขามีโฮงเฮียนภูมิปัญญาล้านนา บ้านเฮาน่าจะมีผ่อง จะใด้ส่อนละอ่อนสอนคนตี่สนจั๋ย เอาคนเฒ่าคนแก่มาสอน อะหยั๋งจะใด้บ่าสูญหาย
แหมอย่างอยากลงไอเดียก๋านท่องเที่ยวเชิงอนุรักษ์ประวัติจังหวัดกับความเป็นล้านนา
หื้อยะใบท่องเที่ยวเกี่ยวกับประวัติประตูเมืองคูนํา ประวัติตัวเมืองเจียงฮายแบบคราวๆ ในปีนั้นปีนี้มีเหตุก๋านอั้นอี้ในเวียง ว่าวัดตี่แอ่วไผสร้าง ฑญาไดเจ้าไดเกยอยู่ประจําเวียง เปิ้นอยู่ไหน ...
หันว่าเปิ้นมีแอ่ววัดกับสามล้อ ตี่เฮาอยากเสริมคือ หื้อมีแอ่วประตูเวียงกับคูนําโตย มีคนเอาใว้ฮองอับเวลาคนไปแอ่วจะใด้อธิบายเขาถึงความเป๋นมา แต่นี่มันขึ้นอยู่กับต่างเทศบาลว่าจะลงทุนจ้างคนประจําใว้ยะหน้าที่นี้กะว่าจะมีก่าช่วงเทศกาลแอ่ว
ถ้าบ่ามีคนอธิบายประวัติ ก่อบ่าเป๋นหยั๋ง ขอหื้อมีตีพิมพ์ใบ(ท่องเที่ยว)ประวัติแอ่ว ก่อปอ
นักแอ่วจะใด้ฮู้ผ่องว่าบ้านเฮาบ่าใด้มีกาดอยตุงวัดฮ่องขุนแม่สายสามเหลี่ยมทองคํา |
| |
|
| ความคิดเห็นที่
1 |
 |
www.chiangrailink.com |
 |
24 เมษายน 2009
11:54:17 |
|
chiangrailink@gmail.com |
|
IP :
61.7.173.248 |
|
ขอสนับสนุนตวยแห๋ม 1 เสียงครับ  |
|
| ความคิดเห็นที่
2 |
| |
เสี่ยวเอ้อ |
| |
25 เมษายน 2009
12:07:56 |
|
|
|
IP :
202.176.147.232 |
|
ใจ๋จิงแล่วอยากหื้อ 9 จังหวัดภาคเหนือสอนตั๋วเมืองเป็นภาษาบังคับแฮ๋มอันนึ่ง สอนอู้ เขียน ฟัง เอาหื้อละอ่อน อู้ได้เขียนได้ฟังได้ ป้ายบอกจื้อบ้านจื้อซอยเขียนตั๋วเมืองก๋ำกับไว้ตวย
|
|
| ความคิดเห็นที่
3 |
| |
หมูน้อย |
| |
25 เมษายน 2009
14:25:55 |
|
|
|
IP :
124.121.219.27 |
|
|
หันตวย! แต่ขอบอกว่าเขียนจ๊ะอี้แล้วอ่านอยากขนาด |
|
| ความคิดเห็นที่
4 |
| |
ไค่ ขอบคุณความเห็นดีๆเจ้า |
| |
29 เมษายน 2009
01:44:04 |
|
|
|
IP :
78.23.214.235 |
|
ขอบคุณความเห็นตี่ลงเน้อเจ้า
เสี่ยวเอ้อ ใจเดียวกั๋นเลย เพราะจั๋ยอยากฟื้นฟูขนาด บ่านักก่อน้อย จะเป็นนี่อาจจะยากแต่กึดว่าต่างตี่จะยะใด้ต้องมีศูนต์วัตนธรรมล้านนาเกิดขึ้นเพื่อสอนละอ่อนคนสนใจ กึดว่าต่างนี้จะง่ายกว่าเจ้า ถ้าแค่ละอําเภอลงมือยะ บ่าว่าจะตี่อบตประจําตําบล ถ้าลองเริ่มแล้วเนี่ยมันน่าจะขยายไปใด้หลายๆท้องที่
ต้องมีบทบาทวัดมาเสริมโตยเจ้า ต่างวัดถ้าเปิ้นทํางานรวมมือกับต่างตําบล สินเขียนตั๋วเมือง ยะกิจกรรมดีไสบสานวัตนธรรมท้องถิ่น น่าจะไปใด้ อย่างคนเฒ่าคนแก่จะใด้สอนสืบต่อไปหื้อลูกหลาน ภูมิปัญญาจาวบ้านนี่ละ สอนต่อกันไปจะใด้บ่าสูญ |
|
ขณะนี้เชียงรายโฟกัส ได้ย้ายไปใช้เว็บบอร์ดใหม่
ท่านสามารถเข้าไปใช้บริการได้ที่นี่ http://www.chiangraifocus.com/forums/index.php
|
เพื่อทีมงานจะได้ดำเนินการลบทันที
ขอขอบพระคุณ.."
