 |
สาว |
วันที่ |
19 มิถุนายน 2009 |
เวลา |
20:51:27 |
|
|
IP |
125.24.144.42 |
| |
|
|
|
ไผมีกำ บ่าวสาว เปิ้นอู้จีบกั๋น
|
สมัยก่อนเวลาบ่าวไปแอ่วหาสาว บ่าวเปิ้นอู้ว่าจะได ไผฮู้ผ่อง
ป้อเกยเล่าฮือฟังสมัยละอ่อน เดี๋ยวนี้กึดบ่ออก ไผมียั๋งดีดีมาเล่าฮื้อกั๋นฟังผ่องเน้อ
 |
| |
|
| ความคิดเห็นที่
1 |
 |
จูน |
 |
19 มิถุนายน 2009
21:58:20 |
|
|
|
IP :
118.174.85.254 |
|
ตะก่อนไปแอ่วสาว ขึ้นเฮือนไปอันดับแรกตี่ต้องถามหยั่งใจน้องสาวเ+++ยก่อนว่า...
"น้องกิ๋นข้าวแลงกั๊บหยังหา" ถ้าสาวเจ้าตอบว่ากิ๋นข้าวกับน้ำพริก ก็ขอหื้อเข้าใจ๋เอาได้เลยว่าน้องสาวบ่อชอบ กิ๋นข้าวกับน้ำพริกหมายถึงบอกหื้อปิ๊กบ้านนั้นน๊ะ แต่ถ้าวันนั้นสาวเจ้าตอบว่ากิ๋นข้าวกั๊บแก๋งบ่าฟัก ก็ขอหื้อเข้าใจ๋เอาเลยว่าสาวเจ้าเปิ่นฮักเปิ่นชอบ เพราะแก๋งบ่าฟักหมายถึงฮัก" เนี๊ยะคนตะก่อนเปิ่นอู้กั๋นจีบกั่นจาเนี๊ยะ กำอู้แต่ละกำมีควมหมายเน้อ เรื่องมันยาวหื้อคนอื่นเล่าต่อเต๊อะ |
|
| ความคิดเห็นที่
2 |
| |
สาวเก่าแก่ |
| |
19 มิถุนายน 2009
23:51:15 |
|
|
|
IP :
125.24.144.42 |
|
เล่าต่อเต๊อะเจ้า ม่วนหู ม่วนใจ๋ ไค่ได้ยินแหม
ขอบคุณจ๊าดนักเนอะเจ้า ตี่เล่าสู่กั๋นฟัง |
|
| ความคิดเห็นที่
3 |
| |
จูน |
| |
20 มิถุนายน 2009
11:06:38 |
|
|
|
IP :
118.174.149.110 |
|
แล้วน้องสาวแก่เปิ่นมีตั๋วป่อแล้วกาหา.......
(..เปิ่นจะจีบกั๋นจาเนี๊ยะ กำว่าตั๋วป่อ ตั๋วแม่ตะก่อนหมายถึงแฟนนั้นน๊ะ) |
|
| ความคิดเห็นที่
4 |
| |
จูน |
| |
20 มิถุนายน 2009
21:53:38 |
|
|
|
IP :
118.174.1.88 |
|
|
สมัยก่อนก๋ารจะไปแอ่วสาวต้องเดิน ดีหน่อยหนึ่งก็ขี่รถลิ้ง (รถถีบตะก่อนเปิ่นฮ้องว่ารถลิ้ง) สมัยก่อนจะมีรถลิ้งบ่ากี่ยี่ห้อ มียี่ห้อลาเล่ห์ อาร์มสตรอง แสตนดาร์ด แต่ถ้าไผขี่รถยี่ห้อฮัมเบอร์ถือว่าสุดยอดเลยหนา สาวฮักสาวหุมถือว่าเป๋นลูกคนรวย เพราะว่ารถยี่ห้อนี้ดังและราคาแพงสมัยนั้น ก็คงเทียบกับขี่รถเก๋งสมัยนี้นั้นน๊ะ ส่วนคนเดินก็จวนกั๋นไปบางคนมีซึง มีสะล้อ มีขลุ่ย วันไหนไปแอ่วสาวบ่าป๊ะก็ตกวงดีดซึงฮ้องเพลงกั๋นไปตี่ขัวหน้าบ้าน เพลงตี่ฮ้องสมัยนั้นก็มีเพลงไผ่งัด เพลงปุ๋มเป้งหมู่เนี๊ยะ ดึกๆก็แยกกั๋นกลับบ้านไผบ้านมัน ผิดหวังตี่สาวนอนเจ้า จึงจ้อย ซอ ต๋ามประสาบ่าวสมัยนั้น จ้อยที่ปอจ๋ำได้ก็อย่าง ....... "สาวหลับเจ้ากิ๋นขี้ติ๊ดต๋อง บ่าวเตียวกองกิ๋นจิ้นไก่ต้ม" ...... หื้อคนอื่นเล่าต่อน่อ |
|
| ความคิดเห็นที่
5 |
| |
เกิ้มศักดิ์ |
| |
22 มิถุนายน 2009
15:43:05 |
|
|
|
IP :
118.172.71.68 |
|
|
เรื่องบ่าวไปแอ่วสาวนี่หนา อันนี้เกยได้ยินเปิ้นเล่าต่อมาแหมกำนึ่ง ว่ามีบ่าวแถ่วอยู่กลุ่มหนึ่งอยู่บ้านเหนือ เตวไปแอ่วสาวบ้านใต้ คืนนั้นเป๋นคืนเดือนหงายแต่ยังมะเต๋มดวงดีเตื้อ แต่กะปอหันตางเตว (หนตางตะก่อนเป๋นถนนลูกรังหรือหนตางแดงแสงเดือนส่องมาจะเตวได้แม้มะต๋ามไฟฉาย) ระหว่างตางเตวกั๋นไปกะหยอกล้อกั๋นไปต๋ามประสาเปื้อนฝูงหมู่เดวเส่วฮักกั๋น ไปได้สักจ้ำล่ำนึ่งเกือบจะถึงบ้านสาวละ บังเอิญกะซัดต๋าหันเงาดำตะคุ่ม ๆ ม่ะฮู้อะหยังก๋องอยู่บนตาง ด้วยความไค่ฮู้ไค่หัน และเดือนยังมะแจ้งดีกะเลยจวนกั๋นไปผ่อใกล้ๆ คนแรกมันอวดฉลาดกว่าเปื้อนกั๋วว่าจะมะฮู้ก่อนไผ กั๋วคนอื่นล๊วกกว่ากะว่าเต๊อะ เลยฟั่งโล่นไปก่อนแล้วกะเลยเอามือซวามไปที่กองดำ ๆ บนตาง แหมะ แอ้ๆๆๆๆๆๆ เหม็นตึเหม็นตึ้ง (ไอ้ตี้ว่านี้คือกองขี้ควายยังสด ๆ อุ่น ๆ ) แต่ด้วยความรอบจัดกั๋วเสียเหลี่ยมเลยจุ๊เปื้อนคนอื่น "เฮ้ยสูเขาฮาป๊ะหมวกอุ่น (ไอ้โม่งไหมพรม)ของไผม่ะฮู้ยะตกอยู่นี้บ๊ะ เหมือนของฮามีตี้บ้านเลย ไผไค่ได้กะมาเอาเน่อ"ว่าแล้วกะเตวตางต่อไป คนที่ 2 มันเป็นคนขี้โลภอยากได้เลยวิ่งไปหมายจะหยิบหมวกอุ่นเป๋นของตั๋ว แหมะ แอ้ๆๆๆๆๆๆๆ "เฮ้อ ไผจะเอากะเอาเตอะ มันหมวกเก่าฮาม่ะอยากได้" ว่าแล้วกะฟั่งเตวต่อไป คนที่ 3 มาถึง "มามะ ม่ะมี๋ไผเอาฮาจะเอาไปหื้อน้องฮาสุ้บหัว"แล้วกะก้มลงหยิบหมวกตี้ว่า แหมะ แอ้ๆๆๆๆๆๆๆ "หื้อๆๆ เปิงตี้มันม่ะมี๋ไผเอาเน๊าะมันปุ้ดเ+++ยแล้ว อย่างอี้ฮากะมะไค่ได้ลุ" อ้ายคนที่ 4 มาถึง ในใจ๋มะกึ๊ดไค่ได้ของตกของเ+++่ยอยู่แล้ว "ในเมื่อม่ะมีไผเอาฮาเตะเน่อ" ว่าแล้วกะแอ้ขะแม้ห้าวตี๋นเตะไปตางหน้า ขี้ควายกะจุยกระจาย กระเด็นติดเสื้อผ้าอ้ายบ่าวแถ่วกลุ่มนี้ตึงหมดสรุปแล้ว คืนนั้นม่ะมี๋ไผได้ไปแอ่วสาวสักคน ย้อนอาย + เหม็น อิอิ นี่แหละเปื่อนฮักหักเหลี่ยมโหด อดตึงเจ้าตึงข้า ตั๋วโดนคนเดวมะปอ กั๋วเสียเปรียบเปื่อน สุดท้ายเลยชวยกั๋นหมดตึงหมู่ตึงจุม 555 |
|
| ความคิดเห็นที่
6 |
| |
แม่ยิงคนเมือง |
| |
22 มิถุนายน 2009
15:46:43 |
|
|
|
IP :
117.47.43.218 |
|
|
เกยได้ยินคนเฒ่าตี้บ้านบอกว่า ตะก่อนเป๋นบ่าวไปแอ่วสาว ปาดโท๊ะ สาวงามแต้งามว่า ยิ่งดึกยิ่งงาม ...เป๋นว่าสาวเป๋นผีก๊ะ ...555 |
|
ขณะนี้เชียงรายโฟกัส ได้ย้ายไปใช้เว็บบอร์ดใหม่
ท่านสามารถเข้าไปใช้บริการได้ที่นี่ http://www.chiangraifocus.com/forums/index.php
|
เพื่อทีมงานจะได้ดำเนินการลบทันที
ขอขอบพระคุณ.."
